አገልግሎት ለማግኘት የሚያስፈልጉ ቅድመ ሁኔታዎችን በሙሉ ዝርዝር እዚህ ላይ ያገኛሉ
| የዘገየበት ቀን ብዛት | ክፍያ | ቅጣት | ጠቅላላ |
|---|---|---|---|
| የእድሳት ቀን ካለለፈ | 1400 ብር | የለም | 1400 ብር |
| ከ1-30 ቀናት መዘግየት | 1400 ብር | 300 ብር | 1700 ብር |
| ከ31-90 ቀናት መዘግየት | 1400 ብር | 800 ብር | 2200 ብር |
| ከ91-365 ቀናት መዘግየት | 1400 ብር | 1500 ብር | 2900 ብር |
| ከ365 ቀናት በላይ የተግባር እና የንድፈ ሀሳብ ፈተና ይወስዳሉ | |||
አንድ አሽከርካሪ መንጃ ፈቃዱን ከወሰደ በኋላ ሊጠፋበት, ሊሰረቅ ወይም በተለያዩ ምክንያቶች መንጃ ፈቃዱን ካጣው ስለመጥፋቱ ከ ፖሊስ ሁኔታ የሞላ ስለመሆኑ ማስረጃ ሲያቀርብ እና በቅጣት አለመያዙን ከመንገድ ትራፊክ ደህንነት ቡድን አረጋግጦ መውሰድ ይችላል:: የጠፋ መንጃ ፈቃድ ለመውሰድ 3000 ብር ቅጣት በአብክመ ትራ/ሎ/ባለስልጣን አካውንት በባለመንጃፈቃድ ስም ገቢ አድርገው ዋናውን ደረሰኝ ማቅረብ::
አንድ አሽከርካሪ መንጃ ፈቃዱ ቢሰበርበት ወይም ከላይ ያሉ ጽሁፎች ቢፋቁበት እና ለአጠቃቀም የሚያስቸግር ከሆነ መንጃ ፈቃዱን ድጋሚ መውሰድ ይችላል:: የተጎዳ መንጃ ፈቃድ ድጋሚ ለመውሰድ 1500 ብር በአብክመ ትራ/ሎ/ባለስልጣን አካውንት በባለመንጃፈቃድ ስም ገቢ አድርገው ዋናውን ደረሰኝ ይዘው መቅረብ ብቻ ነው::
አንድ አሽከርካሪ የመንጃ ፈቃዱን ስም የፍርድ ቤት ማስረጃ ዋናውን እና ፎቶ ኮፒውን ይዞ በመቅረብ ማስቀየር ይችላል:: የመንጃ ፈቃድ ስም ለመለወጥ 1500 ብር በአብክመ ትራ/ሎ/ባለስልጣን አካውንት በመጀመሪያ ስሙ ገቢ አድርገው ዋናውን ደረሰኝ ይዘው መቅረብ::
ለመውሰድ:
ለማምጣት:
አንድ አሽከርካሪ ከኢትዮጵያ ውጪ የመሄድ እድል ቢያጋጥመው መንጃ ፈቃድ በሄደበት አካባቢ እንዲያገለግለው ማስረጃወችን ማለትም የጉዙ ፈቃድ፣ ቪዛ፣ ፓስፖርት፣ የውጭ ሀገር የትምህርት እድል ወረቀት ይዞ ቀርቦ ኢንተርናሽናል ማድረግ ይችላል::